A llah a ḍḍyaman, manikk ad diwen aṭṭuḥ!

Ibi-d unsifaḍ, tasa nu gant aman

Iḥ yyi tekwṛhit, nekki kad awen yallan

Anni (y) at ka gi(n)ḥ udem n Ṛebbi, teḥnnut !

A(d) yyi ur inegh lḥubb, hat inn iggut fell-aḥ

Iḥ asen sbereḥ ig zund iggigen f tasa nu

A(d) nit negwen, nniḥ gh ass-ad lɛaqqel ittu kwen

Ar aḥ isfaqq iblis, inna: « Ha asmun nek!»

A(d) t ukan laḥ  ur t ufiḥ, neg imṭṭawen

Ighab iḍes i(w) allen, ssrgheḥ tifawt

Allah ukbar ! Ur gik lḥubb, ur k issiḥel

Meqqar ukan nesghuyyu, tagwim tama nu

Ur nessin ma f iqqur lqqelb nek fell-a(n)ḥ

Zund aẓru lli n giliz ad a(n)ḥ rwasen

Meqqar ar smemmuyeḥ, ar tterjuḥ tamunt

Neggammi sul lḥanana a(d) giwen ilin tt

Ad d-izzigwz Ṛebbi lḥanana ad giwen ilin tt !

Lḥubb nek iga yyi tamaḍunt i ssaḥt

Ad d-izzigwz Ṛebbi lḥanana ad giwen ilin tt !

Ad daḥ nemun, nekk ditun, neg asmun nek !

A wanna ḥ tella teguḍi, ḥregn ḥ tasa nes

Illa ma(d) ur urin a(d) ka didun sawaleḥ

Ar ak addran lɛyub lli gi ur illin

Ukan ilhu d lkdub, immagh a(d) kwen issinef

Ar ak ittini, lhawa kad dar-s illan

Ma s ra(d) kwen akkw issɛic iḥ iga asmun nek

Walaynni larzaqq mgaddan ḥ lluḥ

Ur a(d) nn-izeri yan ghaylli dar-s illan

Meqqar iṭṭef lmal, gin agudi ḥ tama nes

Ur ad asen iṭṭleg lxleqq igan tassast

A kada d yan ad dar llan, lgern fell-asen

Ar ass-ann ḥ immut, feln ten id i inafalen

Ma mi iɛna yan itteɛṛagn ḥ tafukt !

Iḥ ur iẓeḍar a(d) ig ansḥab nes ḥ rraḥt

Aḥḥ ya(n) ayyis ismun tiddi ula ssaḥt !

Ad d-isahel Ṛebbi s urkkab nek meqqurn !

Ad ak isker yat tecikert igan ti(n) urgh

Lɛlef nek, ad d-isslay lluz ifeka awen t

Aḥḥ ya(n) ayyis ismun tiddi ula ssaḥt !

Ad d-isahel Ṛebbi s urkkab nek meqqurn !

Ad ak isker yat tecikert igan ti(n) urgh

Iga k ljam n ljuhṛ ḥ iggi n tarigt

Lɛlef nek ad d-isslay lluz ifeka awen t

Imma tumẓin. is rad rẓagent ḥ imi nek

Imma yan mu llan ḥ umggreḍ nes, ur issen

Ukan ilger t inn ḥ usarag nes, ifel ten

Wanna iran a(d) isrwat, iddu, fesin as

Ukan ar t ikkat s uṣllab ar tiwwutec

Iḥ illa lfreḥ ur a(d) sul ig i imawalen

A tarigt, iḥ iḥba lɛjaj lḥrir nes

Iḥ illa lfreḥ ur a(d) sul ig i imawalen

Ur igi bla win lkṛṛusa a(d) gisen ilin

A tarigt, iḥ iḥba lɛjaj lḥrir nes

A wanna iran a(d) ten tessudun ra(d ) yaḥel

Ur ad ak sul islil ttid irkan nes

Allah ukbaṛ, ajdaɛ meẓẓiyn, unniḥ t

Ar ukan yalla, igllin, igwn ḥ tafukt

A laḥ amnay a(d) nn fell-as iḍer, smurrin t

Ur as isker cceṛɛ ghar atig n tesila nes