lundi, janvier 12, 2009

ASGGWAS NNUN UMLIL A IMAZIGHEN


Gh id ad n yennayr, ar t sitimegh i akw tarwa n tmazight inna gh llan yan usggwas amaynu umlil. A gis ikri uzddim d tdiktaturt lli sul yuten s iuzran nesen ghw akal negh, Tamazgha. 

Ghilad nit ayt mat-negh gh Libya kkan afus, ccan takurayt d ughruc gh dar inbbayen n ugharas n jalluf ann lli igan Qaddafi d idan nes. Abekkad nesen : ran ad gen meklli bedda gan, Imazighen.

Ayt-ma d ist-ma lli ittuhmalnin, agharas negh ighzzif bahra, ig igwdiyan d isiwan. Macc meknna tella tudert, hati inxabbal bedda dis unaruz. Yan w ass lli nn ur yaggugn, Imazighen rad agh skeren gh tderfit d tlilli tismmunin nesen. Meklli s tt inn bedda kkan.